व्यापाऱ्यांसाठी अमरावती मोबाईल डीलर्स असोसिएशन व एचडीएफसी बँकेचे संयुक्त चर्चासत्र
अमरावती/प्रतिनिधी
केंद्र सरकारने लघु व मध्यम उद्योगांसाठी जीएसटी टर्नओव्हरच्या २० टक्क्यांपर्यंत ओव्हरड्राफ्ट सुविधा जाहीर केली आहे. या पार्श्वभूमीवर अमरावती मोबाईल डीलर्स असोसिएशन व एचडीएफसी बँकेच्या संयुक्त विद्यमाने मोबाईल रिटेलर्ससाठी विशेष चर्चासत्राचे आयोजन करण्यात आले होते.
या चर्चासत्रात जीएसटी ओव्हरड्राफ्ट व दुकानदार ओव्हरड्राफ्ट यासंदर्भात माहिती देण्यात आली. कार्यक्रमामध्ये अमरावती मोबाईल डीलर्स असोसिएशनचे अध्यक्ष रोहित लाहोटी, गिरीश बोधानी, विजय अछडा, तसेच ऑल इंडिया मोबाईल रिटेलर असोसिएशनचे अध्यक्ष अनिल पमनानी व विदर्भ उपाध्यक्ष योगेश घुंडीयाल यांनी सहभाग घेतला होता.
चर्चासत्रात एचडीएफसी बँकेच्या व्यापार अॅपच्या वापराबाबत माहिती देण्यात आली. हे अॅप व्यापाऱ्यांसाठी विनामूल्य असून त्याद्वारे बिलिंग व आर्थिक व्यवहार अधिक सुलभ होतील.या वेळी एचडीएफसी बँकेचे
महाराष्ट्र रिजनल हेड अमोल बनसोड,अमरावती क्लस्टर हेड उदय खिरवाडकर,अमरावतीचे शाखा व्यवस्थापक शैलेश डोंगरे,नागपूर टेरेटरी हेड तुषार मुक्ते,अमरावती टेरेटरी हेड प्रवीण जोतवानी,रिलेशनशीप मॅनेजर गौरव वडुकले,रिलेशनशीप मॅनेजर गौरव पवार आदी अधिकारी उपस्थित होते.
या चर्चासत्रात सहभागी व्यापाऱ्यांनी या माहितीमुळे त्यांना व्यवसायात आर्थिक बळ मिळेल अशी भावना व्यक्त केली.
