नगरपरिषदेने जाहीर केलेल्या या योजनेनुसार, ज्या नागरिकांकडे पाणीपट्टी किंवा मालमत्ता कराची थकबाकी आहे, त्यांनी जर २० मार्च २०२६ पर्यंत आपल्या चालू बिलासह थकीत रक्कम भरली, तर त्यांच्या व्याजाच्या रकमेत ५० टक्क्यांची मोठी सूट दिली जाणार आहे. वाढत्या महागाईच्या काळात नागरिकांच्या खिशाला मिळणारा हा मोठा आधार ठरणार आहे. प्रशासनाचे आवाहन: 'शहराच्या विकासात सहभागी व्हा'
नगराध्यक्षा सौ. प्रतिक्षा रवींद्र गुल्हाने, उपाध्यक्ष डॉ. प्रदीप कुऱ्हाडे आणि मुख्याधिकारी शिवदास मुसळे यांनी संयुक्तपणे या योजनेची घोषणा केली आहे. "नागरिकांनी या सुवर्णसंधीचा लाभ घेऊन आपला कर भरल्यास, त्यांना आर्थिक सवलत तर मिळेलच, पण त्यासोबतच जमा होणारा महसूल शहराच्या रस्ते, पाणी आणि स्वच्छतेच्या कामांसाठी वापरता येईल," असे आवाहन प्रशासनाकडून करण्यात आले आहे.
