कारंजा ( प्रतिनिधी ) :
येथील एका १४ वर्षीय अल्पवयीन मुलीवर ४५ वर्षीय नराधमाने घरात कुणी नसताना विनयभंग केल्याची संतापजनक घटना ८ मार्च २०२० रोजी घडली. मात्र, या गंभीर घटनेची तक्रार देण्यासाठी गेलेल्या पीडित मुलीच्या आई-वडिलांना कारंजा पोलिसांनी उडवाउडवीची उत्तरे देऊन चक्क पोलीस ठाण्यातून परत पाठवल्याचा प्रकार समोर आला आहे.
येथील एका १४ वर्षीय अल्पवयीन मुलीवर ४५ वर्षीय नराधमाने घरात कुणी नसताना विनयभंग केल्याची संतापजनक घटना ८ मार्च २०२० रोजी घडली. मात्र, या गंभीर घटनेची तक्रार देण्यासाठी गेलेल्या पीडित मुलीच्या आई-वडिलांना कारंजा पोलिसांनी उडवाउडवीची उत्तरे देऊन चक्क पोलीस ठाण्यातून परत पाठवल्याचा प्रकार समोर आला आहे.
मिळालेल्या माहितीनुसार, पीडित मुलगी राजा जाधव समाजातील असून, घटनेच्या वेळी ती घरी एकटीच होती. याचा फायदा घेत ४५ वर्षीय आरोपीने तिच्याशी अश्लील चाळे करून विनयभंग केला. घाबरलेल्या मुलीने सर्व प्रकार आपल्या आई-वडिलांना सांगितला. न्याय मिळवण्यासाठी कुटुंब तात्काळ कारंजा पोलीस स्टेशनला पोहोचले. मात्र, कर्तव्यावर असलेल्या पोलीस कर्मचाऱ्यांनी त्यांची दखल न घेता त्यांना अपमानास्पद वागणूक देऊन घरी पाठवून दिले.
या अन्यायाची माहिती आदिवासी विकास परिषदेचे महाराष्ट्र प्रदेशाध्यक्ष अविनाश पंधरे यांना मिळताच त्यांनी या प्रकरणाची गंभीर दखल घेतली. पंधरे यांनी आपल्या कार्यकर्त्यांसह तात्काळ कारंजा पोलीस स्टेशन गाठले आणि पोलिसांच्या कार्यपद्धतीवर तीव्र संताप व्यक्त केला. "एका अल्पवयीन मुलीवर अन्याय झालेला असताना पोलीस तक्रार घेण्यास नकार कसा देऊ शकतात?" असा सवाल करत त्यांनी पोलीस प्रशासनाविरोधात रोष व्यक्त केला.
अविनाश पंधरे यांच्या आक्रमक पवित्र्यानंतर पोलीस प्रशासनाचे धाबे दणाणले आणि अखेर या प्रकरणी गुन्हा दाखल करण्याची प्रक्रिया सुरू करण्यात आली. पोलिसांच्या या सुरुवातीच्या भूमिकेमुळे परिसरात संताप व्यक्त केला जात असून, दोषी पोलिसांवरही कारवाई करण्याची मागणी आता जोर धरत आहे.
