दर्यापूरमध्ये पूर्ववैमनस्यातून युवकाची चाकू भोसकून हत्या; आरोपी फरार, पोलिसांकडून शोध सुरू

दर्यापूरमध्ये पूर्ववैमनस्यातून युवकाची चाकू भोसकून हत्या; आरोपी फरार, पोलिसांकडून शोध सुरू

 

दर्यापूर:

येथील आनंद नगर भागात एका युवकाची चाकू भोसकून निर्घृण हत्या करण्यात आल्याची धक्कादायक घटना घडली आहे. या घटनेमुळे संपूर्ण परिसरात प्रचंड खळबळ उडाली असून नागरिकांमध्ये भीतीचे वातावरण पसरले आहे.

पूर्ववैमनस्यातून हत्या
प्रज्वल तायडे (रा. आनंद नगर, दर्यापूर) असे मृत पावलेल्या दुर्दैवी युवकाचे नाव आहे. प्राथमिक माहितीनुसार, जुन्या वादातून किंवा पूर्ववैमनस्यातून हा हल्ला करण्यात आल्याचा संशय व्यक्त होत आहे. हल्लेखोराने प्रज्वलवर चाकूने सपासप वार केले. यात तो गंभीर जखमी झाला आणि त्याचा जागीच मृत्यू झाला.

आरोपी फरार; पोलिसांचा शोध सुरू
घटनेनंतर आरोपी घटनास्थळावरून पसार झाला असून पोलीस त्याचा कसून शोध घेत आहेत. घटनेची माहिती मिळताच दर्यापूर पोलीस पथक तात्काळ घटनास्थळी दाखल झाले. पोलिसांनी पंचनामा करून मृतदेह उत्तरीय तपासणीसाठी रुग्णालयात पाठवला आहे.

फरार आरोपीचा शोध घेण्यासाठी पोलिसांची विशेष पथके रवाना करण्यात आली आहेत. दर्यापूर पोलिसांकडून या प्रकरणाचा पुढील तपास अत्यंत गतीने सुरू आहे.