धक्कादायक ! पुण्यातून २९ वर्षीय विवाहित महिला बेपत्ता; रात्री घरातून अपहरण केल्याचा संशय


धक्कादायक ! पुण्यातून २९ वर्षीय विवाहित महिला बेपत्ता; रात्री घरातून अपहरण केल्याचा संशय

पुणे - 
पुण्यातील गोखलेनगर परिसरातून एक अत्यंत खळबळजनक आणि धक्कादायक घटना समोर आली आहे. रात्रीच्या वेळी घरात झोपलेल्या एका २९ वर्षीय विवाहित महिलेला अज्ञात व्यक्तींनी घरातून उचलून नेल्याची घटना घडली असून, या प्रकरणी चतुःश्रृंगी पोलीस ठाण्यात गुन्हा दाखल करण्यात आला आहे.
घटनाक्रम:
मिळालेल्या माहितीनुसार, संबंधित २९ वर्षीय महिला ही मूळची मणिपूरची असून सध्या ती कुटुंबासह पुण्याच्या गोखलेनगर भागात राहत होती. १२ नोव्हेंबर रोजी रात्री ७.३० वाजताच्या सुमारास ती आपली ड्युटी संपवून घरी परतली होती. घरात मुले आणि पत्नी असताना, काही अज्ञात व्यक्तींनी तिला घरातून उचलून नेल्याची धक्कादायक घटना घडली.
मोबाईल केला स्विच ऑफ:
घटनेनंतर संबंधित महिलेचा मोबाईल फोन देखील स्विच ऑफ येत आहे. तिच्याशी कोणताही संपर्क होऊ शकत नसल्याने कुटुंबीयांनी तात्काळ पोलिसांत धाव घेतली.
पोलिसांत गुन्हा दाखल:
या गंभीर घटनेची दखल घेत चतुःश्रृंगी पोलिसांनी अज्ञात व्यक्तींविरोधात अपहरणाचा गुन्हा दाखल केला आहे. पोलीस प्रशासनाकडून या प्रकरणाचा कसून तपास सुरू असून, महिलेचा शोध घेण्यासाठी विविध पथके रवाना करण्यात आली आहेत. या घटनेमुळे गोखलेनगर आणि परिसरात महिलांच्या सुरक्षेचा प्रश्न पुन्हा एकदा ऐरणीवर आला असून नागरिकांमध्ये भीतीचे वातावरण आहे.